Arantza Cuesta Ezeiza bilduma
Bilduma honek Arantza Cuesta Ezeiza historiagile donostiarrak 1991 eta 1994 urte bitartean ateratako 4.000 irudi biltzen ditu, Donostiako Elizbarrutiko Ondasun Higigarrien katalogoa osatzeko burutuak. Aipatutako katalogorako ateratako 30.000tik gorako argazkien aukeraketa bat da hemen aurkezten dena. Bilduman ermita, eliza eta santutxo ezberdinen elementuak, pieza artistikoak edo/eta liturgia-erabilera dutenak jasotzen dira. Edukien artean pinturak, eskulturak, erliebeak, erretaulak, bataiarriak eta bitxigintzako piezak azpimarratuko genituzke, nahiz eta jantzi eta antzekoak eta beste higigarriak ere aurki daitezkeelarik.
